தைலம்

வீட்டு மூலைக்குள்
விளக்கு படாவிடத்தில்
மறைத்து வைத்து
குசினிக்குள் மாயும்
மனிசியை ஓரக்கண்ணால்
பார்த்தோடியோடி உறிஞ்சி
ஒன்றும் தெரியா பாவியாய்
விறாந்தையில் குந்தி
முட்டையிருக்கோப்பா
அஞ்சாறு வெங்காயம்
வெட்டி வதக்குவீரோ
என்று தொடங்கி
கதிரையிலிருந்தெழும்பையில்
கொஞ்சம் தளம்பி
அறுபது மைல் கடந்திருக்கும்
மனுசியின் அப்பரை இழுத்து விளம்பி
அடுப்படியில் அவள்
சட்டி பானையுடன் குழம்பி
புட்டையும் அருமாந்த
முட்டையையும் உள்ளேபோய்
மீண்டும் உறிஞ்சி வந்து
அரைகுறையில் சிலம்பி
விழுந்து படுக்கும் சிவக்கொழுந்து
எழுந்து எதுவும் தெரியா பாலனாய்
மற்றோர் நாள் மறைத்து வைத்ததை எடுத்து
உறிஞ்சுகையில்
கண்டுவிட்டான் கடைக்குட்டி
என்னப்பா எனக்கும் என்றான்
ஐயோ அது வேப்பெண்ணை தைலமென்றார்.
அம்மாவிடம் ஓடக்கடைக்குட்டி
அப்பாவுக்கு வருத்தம் என்றாள்
முட்டையை பொரித்தபடி !